Startseite
Herzlich willkommen
bei der Autorin
Achtung!
Neue Telefonnummer
0664 470 4595
Kleine Lebensweisheit!
Geht es dir gut
so geht es mir gut!
Drum sei stets auf der Hut,
dass es dir auch geht recht gut!
As Kloatznbrot va da Muata
woars Beste weit und broat.
Die Rindn schia knusprig
und trotzdem net hoart.
Mei Muata, die gab sich
im Herbst große Miah
Birnen und Zwetschkn
hat sie gsommlt dafür.
Danoch hat‘s die Früchte
wia es sich keart
noch dem Brotbochn
im woarmen Ofn drin deart.
Groß woar für uns Kinder
die Freid auf‘n Advent
wal kaum hat am Kronz
as erste Liachtl brennt
hat die Muata die Kloatzn
die sie gut hat versteckt
ins Wosser eingwoakt
und zum Lebn erweckt.
As Kloatznbrot bochn
woar der Muata ollwal
jeds Joahr im Advent
a ehrfurchtvolls Ritual.
A poar Feign und a Nussn
hat sie drunter vermengt
Gwürz und a Schuss Rum
kamen dazua noch am End.
In an großn Weitling
hat olls grost über d‘Nocht
togs drauf hat die Muata
an Toag dazua gmocht.
Und während sie‘s Gmisch
mit der Hond guat hat knetn
hob ih’s im Stülln gheart
an Vater unser noch betn.
Zwölf Scheitln an Hulz
hat sie ollwal hergricht
und für die nötige Hitz
in den Ofn rein gschlicht.
Und is donn der Loab
auf der Ofnschüssl glegn
so hat er va der Muata
kriag noch den Segn.
Mit an schoafn Messer
hat‘s a Kreiz einigschnittn
um dafür den Herrgott
zu donkn und bittn.
Dabei san ihr vor Freid
noss woarn die Augn
so fest woar an den Herrgott
der Muata ihr Glaubn.
Drei Kreiz vorm O‘schneidn
hat‘s aufn Brotruckn gschriebn
auch die san mi von ihr
in Erinnerung bliebn.
Jo as Kloatznbrot va da Muata
woars Beste weit und broat.
Die Rindn schia knusprig
und trotzdem net hoart.
Auf den folgenden Seiten stelle ich mich und meine Bücher vor.
Viel Spaß beim Durchblättern!
